Kosova & Rajoni

Kosovë, situata me zjarret është më e qetë, vetëm një zonë konsiderohet në rrezik

5 Gusht 2021, 16:27| Përditesimi: 5 Gusht 2021, 16:33

  • Share

Agjencia për menaxhimin me situata emergjente në Kosovë ka bërë të ditur se situata me zjarret në vend është shumë bërë më e qëndrueshme. Ndërkohë që është theksuar se i vetmi rrezik serioz është zjarri në fshatin Shtupeq, në Komunën e Pejës.

Policia e Kosovës në një raport tha se fshatarët vazhdojnë të djegin kallamishte në fushat e tyre, duke çuar në përhapjen e zjarreve për shkak të temperaturave të larta dhe erërave të forta.

Në rrethana të panjohura, një zjarr shpërtheu në pronësi të një personi në fshatin Sankoc, afër Glogocit, ku u dogj pylli me tre hektarë sipërfaqe. Në Lipjan u dogjën 25 hektarë pyje. Zjarre ka pasur edhe në komunën e Vitisë, ndërsa në fshatin Softaj, afër Ferizajt, janë djegur 30 hektarë toka bujqësore.

Presidentja e Kosovës, Vjosa Osmani, u bëri thirrje qytetarëve që të kenë kujdes në veprimet që çojnë në rrezik nga shpërthimi i zjarrit.

“Institucionet e vendit me kapacitet të plotë po përpiqen për zvogëlimin e pasojave nga zjarret, por kjo përpjekje domosdoshmërisht kërkon edhe mbështetjen e qytetarëve. Zjarrfikësit, pjesëtarët e Forcës së Sigurisë së Kosovës, pjesëtarët e Policisë së Kosovës, të mbështetur edhe nga KFOR-i, po bëjnë të pamundurën, por të gjithë kemi përgjegjësinë që ta rrisim kujdesin për ta ulur rrezikun nga shtrirja e zjarreve”, shkroi Osmani në rrjetet sociale.

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?