Personazhi i TikTok, Kozak Braçi, është gjobitur nga policia me 1 milion lekë të vjetra gjobë për ndotje të ambientit.
Kozaku ka hedhur mbeturina nga makina në lëvizje, video të cilën e kishte publikuar në rrjetet sociale.
Forcat e Komisariatit Nr.4 e identifikuan dhe zbuluan se video ishte bërë disa kohë më parë.
Bashkë me Kozakun në makinë ndodhej një turist, të cilit i thotë se mbeturinat mund t’i hedhë nga dritarja e makinës, pasi në Shqipëri kjo nuk është problem, ndërsa turisti shprehet tejet i habitur me veprimin.
Së fundmi, ishte Komisariati nr. 4, i cili u vu në lëvizje, pasi personazhi i Tik-Tok është banor i zonës së Alliasit. Për të verifikuar rastin Kozak Braçi u shoqërua në komisariat për të kryer procedurat e gjobës, e cila iu vendos bazuar në nenin 15 të Kodit Rrugor, për veprime të ndaluara, i cili përfshinë në pikën “f”, hedhjen ose grumbullimin e mbeturinave ose materiale të çfarëdo lloji.
Ky veprim dënohet nga 25 mijë deri në 100 mijë lekë të reja. Braçi po hetohet në gjendje të lirë.
Njoftimi i Policisë Tiranë:
Tiranë/Ndoti mjedisin, duke hedhur mbeturina nga automjeti me të cilin lëvizte, ndëshkohet me 100 000 lekë gjobë, 32-vjeçari.
Shërbimet e Komisariatit të Policisë Nr. 4, menjëherë pas publikimit të një videoje në rrjete sociale, në të cilën shfaqej një shtetas duke hedhur mbeturina nga dritarja e automjetit në lëvizje, ku ishte pasagjer, kryen verifikimet për nxjerrjen e këtij shtetasi, përpara përgjegjësisë ligjore.
Si rezultat i verifikimeve u konstatua se videoja e publikuar ishte regjistruar para disa kohësh, si dhe u identifikua shtetasi që kreu shkeljen, konkretisht K. B., 32 vjeç Ai u shoqërua në ambientet e Komisariatit, për kryerjen e veprimeve të mëtejshme procedurale.
Në përfundim të këtyre veprimeve, në zbatim të nenit 351 të VKM nr. 153, datë 07.04.2000, dhe nenit 15 të Kodit Rrugor, 32-vjeçari u ndëshkua me masë administrative gjobë 100 000 lekë.
Gjithashtu, materialet procedurale për këtë rast iu referuan Prokurorisë së Tiranës, me qëllim vlerësimin juridik të mëtejshëm.
Komente
Cja kan bere mire ketit mother fucker
Përgjigjuproblem problem hahahahahha
PërgjigjuPlehre njeri, jo vetem ti, por te gjithe ata ndyresira me makina te bukura apo te vjetra qe s'mesuan njehere te jene qytetare, por i flakin mbeturinat ne rruge.
PërgjigjuDo ca kohe qe disa shqiptare te kthehen ne njerez...e pastaj ankohenkut u tregon ligjin. Pune te mbare shtetit!