Ka vijuar sot në Komisionin e Posacëm të Apelimit, seanca për Prokuroren e Tiranës , Antoneta Sevdari, njëhkohësisht anëtare e Këshillit të Lartë të Prokurorisë, pas ankimimint të Komisionerit Publik.
Trupa gjykuese e KPA-së i njohu palët me një denoncim të ri të adresuar ndaj anëtares së KLP-së në seancën paraardhëse në datën 13 shkurt. Sipas saj ankimi nuk është bazuar në ligj. Sevdari deklaroi se është konfirmuar në detyrë sipas përputhjeve të kushtetutës dhe shtoi se krijimi i pasurisë është bërë me punë të ndershme nga ana e familjes së bashkëshortit dhe këtij të fundit në emigracion.
Komisioneri Publik ankimoi gjithashtu të ardhurat e subjektit të bashkëshortit të Sevdarit, të fituara në Greqi dhe Arabi Saudite pasi subjekti nuk ka dhënë prova për ligjshmërinë e këtyre të ardhurave.
Sevdari paraqiti prova ligjore për justifikimin e të ardhurave, ndërsa theksoi se natyra e të ardhurave të tilla, nuk parashtrohet në deklaratat e pasurisë.
Sevdari deklaroi se nuk e vërteton dot sa janë tatimet dhe nuk janë siguruar dokumentet për shkak se Arabia Saudite nuk është përgjigjur në shkresën e dërguar ndërkohë që punëdhënësi i bashkëshortit të saj ka ndërruar jetë.
Vendimi përfundimtar i KPA pritet të jepet në datën 28 Shkurt.
Komente
