Kolegji i Posaçëm i Apelimit, ka përfunduar pa vendim vetingun për ish-prokuroren e Kukësit Fahrije Gjana.
KPA shpalli sot vendimin lidhur me ankimin e kryer nga ish-prokuorja e Kukësit, Fahrije Gjana Vata, kundër vendimarrjes së KPK që e shkarkoi nga detyra atë nga detyra më 28 janar të vitit 2022.
Gjana u shkarkua për shkak të probleme në kriterin e pasurisë.
KPA në njoftim thotë se trupi gjykues i Kolegjit, i kryesuar nga Mimoza Tasi, me relatore Albana Shtyllën dhe anëtarë Sokol Çomon, Ina Ramën e Natasha Mulajn, vendosi me shumicë votash të përfundojë procesin e rivlerësimit kalimtar për Gjanën pa një vendim përfundimtar për çështjen, me argumentin se objekti dhe qëllimi i këtij procesi është bërë i pamundur.
Më 28 mars të këtij viti, Këshilli i Lartë i Prokurorisë vendosi deklarimin e mbarimit të statusit të magjistratit për shkak të moshës së pensionit të pleqërisë për prokurores e Kukësit, Fahrije Gjana Vata.
Komente
