Komisioni Qendror i Zgjedhjeve, në mbledhjen e ditës së sotme i ka dhënë mandatin e deputetit Artemis Malo-s. Malo del nga listat shumemërorë të Partisë Socialiste në Gjirokastër.
Ajo ka marrë mandatin e lënë nga deputeti socialist, Flamur Golemi pasi ky i fundit do të kandidojë për kryetar bashkie në Gjirokastër në zgjedhjet që do të mbahen më 30 qershor. Deputetja e re i përket komunitetit minoritar grek por është shumë e njohur dhe e vlerësuar në Gjirokastër.
Ndërkohë Artemis Malo mban edhe detyrën e Zëvendësministres për Evropën dhe Punët e Jashtme nga Tetori i 2017. Ndërsa po nga ky muaj ajo është zgjedhur Anëtare e Asamblesë së Partisë Socialiste të Shqipërisë.
Komento
Komente
