Krahë pule me patate furre
Përbërësit:
500 gr krahë pule
800 gr patate
Marinimi i krahëve të pulës
1 1/2 lugë gjelle kos
1 lugë çaji pure domate
1 lugë çaji majonezë
kripë dhe piper të zi
1 1/2 lugë çaji piper I kuq ( I ëmbël)
1/2 lugë çaji piper pikant ( opsionale)
1 lugë çaji trumzë
4 lugë gjelle vaj
Për patatet
kripë dhe piper I zi
1/2 lugë kafe piper të kuq
vaj
rozmarinë
Përgatitja:
Pastrojmë krahët e pulës i thajmë ato. Në një tas vendosim të gjtihë përbërësit e marinimit të krahëve të pulës dhe I përziejmë mirë ato. Vendosim krahët duke I lyer mirë me marinimin. Mbulojmë tasin me celefon dhe I lëmë pak në frigorifer të paketën 30 minuta. ndërkohë qërojmë patatet dhe I presim ato në 1/4 në copa të mëdha ( Nëse patatet janë mesatare). Nëse janë të mëdha atëherë I presim në kubikë. Vendosim në zjarr një tenxhere me ujë të bollshëm për të valuar shtojmë patatet në të dhe I japim një valë për 3-4 minuta. I kullojmë dhe I vendosim në një tas ku do të shtojmë vaj, kripë, shumë pak piper të kuq, piper të zi dhe rozmarinë I përziejmë dhe I vendosim sëbashku me krahët e pulës në një tepsi ku kemi shtuar letër pjekje. I vendosim në furrën e parangrohur 200 gradë Celsius për 40 minuta.
