Kur sezoni turistik ka nisur zyrtarisht dhe numri i pushuesve është gjithnjë në rritje, zona e Kunes në Shengjin po përballet prej disa ditësh me mungesë të energjisë elektrike. Shkak besohet se janë punimet që po kryhen për rrjetin e ri elektrik, investim i cili nuk ka përfunduar ende.
Por mungesa e energjisë elektrike po sjell pasoja negative për turizmin, duke vënë në vështirësi edhe bizneset më këto ditë të nxehta qershori.
Pushuesit në Kune, rendisin një sërë shqetësimesh nga mungesa e energjisë lektrike
“Jam me pushime. Nuk e di si është puna, por është problem”.
“Krejt kjo bukuri, pa energji elektrike. Rryma e ndalur është problem për turistët, por besojmë se do të ketë zgjidhje”.
“Ka pasur problematike, ne duhet të kemi ujin e ftohtë”, shprehen disa nga pushuesit.
Nga ana tjetër Operatori i Shpërndarjes se energjisë elektrike në Lezhë, bën me dije se investimi për rrjetin e ri elektrik në linjën 20 KV përfundon brenda pak ditësh, një zgjidhje për të gjithë Shëngjinit, nga Rana e Hedhur deri në Kune, pasi është rritur fuqia me qëllim përballimin e ngarkesës që krijohet gjatë sezonit të verës.
G.M.//ReportTv.al![](https://www.report-tv.al/template/img/antipiracynote.jpg)