Kremlini tha të mërkurën (27 Dhjetor) se çdo ndihmë e re nga Bashkimi Europian për Ukrainën nuk do të ndikojë në rezultatin e luftës dhe se e vetmja gjë që ky shpenzim do të bëjë është të dëmtojë ekonominë europiane.
Përveç kësaj, për sa i përket planeve të BE-së për të siguruar 20 miliardë euro financim për Kievin, në një mënyrë që do të anashkalonte kundërshtimet hungareze, zëdhënësi i Kremlinit Dmitry Peskov tha se qytetarët e BE-së që paguajnë taksa ata duhet të kuptojnë se paratë e tyre po shpenzohen në mënyrë të gabuar, raporton Reuters.
Siç raportoi sot Financial Times, plani alternativ i financimit për Ukrainën nga BE. do të përfshijë lëshimin e garancive për buxhetin e BE-së nga shtetet anëtare pjesëmarrëse, duke i lejuar Komisionit të marrë hua deri në 20 miliardë euro për Kievin në tregjet e kapitalit gjatë vitit të ardhshëm.
Kushtet e sakta janë ende në diskutim dhe shuma përfundimtare do të përcaktohet sipas nevojave të Ukrainës, shtuan ata.
