Ditën e djeshme, meshtarë e Ipeshkvinj nga e gjithë Shqipëria kanë kremtuar meshën në ish burgun e Spaçit. Aty kanë vuajtur shumë njerëz, ndër të cilët edhe shumë meshtarë katolikë.
Imazhet i ka bërë publike Dom Gjergj Meta në Facebook duke thënë se patën një takim mbresëlënës me Fatos Lubonjën dhe me librin e tij "Jetë burgu" pasi ka vuajtur dënime politike atje.
Burgu i Spaçit ishte një burg politik i sigurisë së lartë, që ishte aktiv gjatë diktaturës komuniste në Shqipëri. Burgu gjendet (gjendej) në fshatin Spaç. Në vitin 1973 në Burgun e Spaçit pati një rebelim të të burgosurve, të cilët arritën të ngrinin një flamur jo-komunist. Një rebelim i ngjashëm u krye edhe në Burgun e Qafë Barit në vitin 1984 ku u ngritën kërkesa e dëshira për liri, që u shtypën njëlloj me dhunë e gjak.
