Ishte dimër dhe në mbrëmje isha i ftuar për një darkë nga një grup i madh bashkatdhetarësh.
Rrugët dhe trotuaret e Frankfurtit zbardhnin nga bora dhe kisha vështirësi të parkoja makinën.
Në restorant ishte ndezur atmosfera me muzikë patriotike dhe kishte mbi 300 të ftuar.
Pas dy orësh me muzikë, me birra dhe verë, fjalën e mori organizatori i cili me një fletë votimi në dorë filloi të mbante fjalim dhe bënte thirrje të gjithëve të votonin partinë XX për zgjedhjet në Kosovë.
“Hajredini” nga Gjakova ka një firmë ndërtimi në Gjermani me 250 punëtorë. Të gjithë të punësuarit i ka nga Kosova se i paguan lirë për shkak të “dokumenteve.”
Gjatë darkës “Hajredini” dhe stafi i tij mbushën afro 500 vota, të punëtorëve dhe të familjarëve të tyre. Ishte skenë komike kur shikoje 500 pasaporta dhe 500 dokumente zgjedhore…..
Mu kujtua kjo histori tek dëgjoja tek panelet e mediave shqiptare dhjetëra analistë dhe politikanë që nuk ja kishin idenë fare se çfarë do ndodh me votën e diasporës.
Ata nuk e kuptonin që vota me postë nuk respekton parimin bazë të kushtetutës që është “fshehtësia e votës.”
Vota me postë nuk është individuale sepse emigrantët nuk do votojnë me kuti votimi por:
- emigrantët do votojnë në kafe apo restorant,
- emigrantët do votojnë në shtëpi,
- emigrantët do votojnë në sytë e shokëve, familjarëve apo sipërmarrësit,
- emigrantët do votojnë familjarisht,
- emigrantët do votojnë kolektivisht,
A e dini ju që në datë 11 Mars dy muaj para zgjedhjeve do dalë rezultati i votës diasporës?
Dy muaj para zgjedhjeve të gjithë do kuptojmë si do votojnë emigrantët sepse do dalë lista e regjistrimit tyre dhe Partia Socialiste apo disa parti të tjera i njohin me emra votuesit e tyre.
Dalja e listës së regjistrimit në 11 Mars do i kompromentoj rezultatin e zgjedhjeve dhe do na heq çdo kuriozitet se kush fiton në 11 Maj.
Vota e emigrantëve me postë është vota më e manipuluar në historinë botërore sepse lejon që të votojnë të tjerët për ty pa monitorim.
- pronari restorantit nga Vlora në Selanik do marr pasaportat e kamarierëve dhe kuzhinierëve dhe do mbush fletët e votimit.
- Babai emigrant nga Berati do mbush votat e familjes dhe do i postoj nga Bostoni fletët e votimit.
- Pronari firmës nga Shkodra në Londër do mbush fletët e votimit të punëtorëve duke i qeras me dy birra ose me një ditë pushimi nga puna.
Vota e emigrantëve me post do jetë autogoli më i madh i opozitës shqiptare e cila kërkoi votim me postë dhe refuzoi votimet në ambasada apo konsullata me kuti votimi.
Votimi ne konsullata me komisioner do ishte 100 herë më i sigurtë.
1.7 milion turq votuan në Gjermani për zgjedhjet në Turqi duke pritur 3 orë në radhë të gjata pranë dhjetëra qendrave të votimit në Berlin, Mynih, Stutgard, Dyseldorf dhe çdo qytet tjetër gjerman apo europian.
Nëse doni të respektoni votën e emigrantëve keni 3 forma të sakta:
- vota elektronike me shenje gishtash
- vota në konsullata me kuti
- vota me qendra votimi dhe komisioner në çdo qytet europian apo amerikan.
Vota me postë është varianti më i keq që do hedh në erë zgjedhjet e 11 Maj.
Duroni edhe dy muaj, se në 11 Mars të gjithë do e kuptoni për kë do votoj diaspora, madje do parashikohet rezultati i saktë me përqindje dhjetore.
Komente
Votat e emigranteve do te jete justifikimi i radhes per humbjen.Vota me poste jane te manipuluara dhe te ekspozuara (pa fshehtesi).Me voten e migranteve (me dy shtetesi) u japim te drejte te vendosin per qeverisjen ne dy vende.Pse?Per mendimin tim,do te ishte me mire qe diten e votimit te ngriheshin qendra votimi aty ku jane dhe te mund te votojne,me flete apo elektronike.
PërgjigjuMe ne fund nje person qe foli sakte. U lodha duke komentuar ne cdo media te shkruar dhe me bente habi si nuk kisnte nje person te vetem te thoshte pikerisht kete gje. Ne duhet te mbajme radhe neper qendra, te lyejme gishtat me boje, ne te cilet e bejme kete vend thjesht me prezencen tone, pa ne nuk ka shqiperi, nuk ke njerez ne rruge, ne te cilet gdhihemi cdo dite ne kete vend me eren e lumit lana, me ndotjen e kullave te parave te droges, me korrupsionin ulerites, me vrasjet qe ndodhin cdo dite, ndersa ato qe e braktisen vendin per nje jete me te mire votojne nga shtepia. Ky eshte pazari pra, Sali Berisha dhe Edi Rama, Sala e di qe nuk fiton dhe nuk do te fitoj, do te shpetoj. Rama do bej presion mbi Spak per shtyrjen e mandatit te tyre me 9 vite te tjera duke i dhene listen e te paprekshmeve te cilet jane Olsi, Lali, Bela, Elisa dhe mesa duket familja Berisha me kete pazarin e fundit.
PërgjigjuQytetari, une them t‘i pushkatojme te gjithe emigrantet per tradhti ndaj atdheut. Pastaj do shohim se ku do shkosh kur te behesh per operacion, kur te te zhduket gjysma e trafikut ne Rinas dhe neper hotele e restorante, kur te te mbeten pensionistet pa buke, kur te mos shiten e mobilohen me apartamente ne bregdet.
Po kur i dhimset kaq shume ky vekde keti super mashtruesit per se nuk nejti ne shpqeri por del e ben se e ama e Zeqos maj thane ky super i koroptuari qe bere kerdine bashke me Bamir topin ne KLD e asaj kohe kur e drejtonin qe te dy kete institucion
Përgjigju