Një 30-vjeçar është vënë në pranga nga policia e Korçës, pasi dyshohet të jetë autor i 6 vjedhjeve të kryera gjatë dy javëve të fundit, në qytet. I riu rezulton të jetë dënuar disa herë në të shkuarën për vjedhje.
Në kuadër të operacionit policor "Repeat",është arrestuar Elidon Zeqo.
Nga veprimet hetimore të kryera dhe provat e grumbulluara, dyshohet se 30-vjeçari gjatë dy javëve të fundit, në lagjet nr. 7, 8, 13 dhe 16, të qytetit të Korçës, ka vjedhur shuma parash, vegla pune, 7 aparate fotografike dhe produkte të ndryshme ushqimore, në dy lokale, dy dyqane, në një studio fotografike dhe në një automjet, në pronësi të personave të ndryshëm.
30-vjeçari rezulton të jetë dënuar edhe më parë disa herë për vjedhje.
Materialet i kaluan Prokurorisë Korçë, për veprime të mëtejshme.
