NJU JORK-Përfaqësuesi i Lartë për Punët e Jashtme dhe Politikën e Sigurisë, njëherazi edhe Zv. Presidenti i Komisionit Evropian Josep Borrell ka pasur këtë të martë në Nju Jork një darke informale me liderët e Ballkanit Perëndimor.
Në këtë takim kanë qenë të pranishëm Kryeministri i Shqipërisë Edi Rama, Presidenti i Malit të Zi Milo Dukanoviç, Presidenti i Maqedonisë së Veriut Stevo Pendarovski, Kryetari i Presidencës së Bosnjës dhe Hercegovinës Zeljko Komsiç, Presidentja e Kosovës Vjosa Osmani, si dhe ministri i Jashtëm i Serbisë Nikola Selakoviç.
Ky ishte takimi i dytë i tillë i organizuar nga Përfaqësuesi i Lartë, pas darkës joformale në Bruksel në maj.
Sipas një njoftimi të Komisionit Europian Borrel dhe udhëheqësit e Ballkanit Perëndimor patën një shkëmbim të hapur mbi situatën në rajon dhe marrëdhëniet BE-Ballkani Perëndimor, gjithashtu në dritën e Samitit të ardhshëm BE-Ballkani Perëndimor muajin e ardhshëm.
Borrel i siguroi bashkëbiseduesit për ecurinë e pranimit në BE. Përfaqësuesi i Lartë i Politikës së Jashtme në KE nënvizoi nevojën për një angazhim të fortë si nga partnerët e Ballkanit Perëndimor ashtu edhe nga Bashkimi Evropian dhe shtetet anëtare për të kapërcyer dinamikat aktuale dhe për të çuar procesin përpara.
Komente
