TIRANË- Kryetari i KLP, Gent Ibrabimi pret në takim Christian Lange, Sekretar Shteti në Ministrinë Federale të Drejtësisë dhe Mbrojtjes së Konsumatorit, deputet në Bundestag i cili deklaroi se lufta kundër korrupsionit është kushti kryesor për anëtarësimin e Shqipërisë në BE.
"Lufta kundër korrupsionit është kushti dhe prioriteti kryesor për anëtarësimin e Shqipërisë në BE", u shpreh Lange.
Takimi u fokusua në zbatimi i reformës në drejtësi dhe ngritjen e institucioneve te reja, SPAK dhe BKH.
Ibrahimi deklaroi se në 9 muaj KLP ka menaxhuar mjaft proces sfiduese si ngritja e SPAK dhe zgjedhja e Prokurorit të Përgjithshëm. Ai tha se tetori do ta gjejë vendin me SPAK dhe Prokuror të Përgjithshëm.
"Në javët në vijim, KLP duhet të marr një vendim për sa i përket numrin e prokurorëve me të cilët mund të ngrihet SPAK. Besoj se tetori do të gjej vendin me SPAK dhe Prokuror të Përgjithshëm", tha Ibrahimi.
I pranishëm në takim ishte edhe ambasadori gjerman Peter Zingraf.
Komente
