Kryetari i Partisë "Demokracia e Re" Kyriakos Mitsotakis paralajmëron sërish kryeministrin e Shqipërisë Edi Rama në raport me marrëdhëniet mes dy vendeve. Ai tha se nëse do të vijë në pushtet do të ketë sanksione ndaj Shqipërisë nëse nuk respektohen të drejtat e minoritetit grek në vendin tonë.
“Mesazhi që i kam dërguar qeverisë shqiptare është shumë i qartë, do të ketë sanksione nëse nuk respektohen të drejtat e komunitetit grek dhe kjo ka lidhje jo vetëm me anëtarësimin në BE por me marrëdhënien dypalëshe. Nëse do Rama të kemi marrëdhënie të mira të respektojë të drejtat e minoritetit grek" deklaroi kreu i opozitës greke.
Paralajmërimet nga Greqia, si nga Presidenti, kryeministri dhe kreu i opozitës kanë qenë të herëpashershme ndaj Shqipërisë që të respektojë minoritetin nëse do integrimin, edhe pse deklaratat e fundit nga vendi fqinj janë itensifikur për shkak të fushatës zgjedhore.
Komente
