Ministri për Kosovën, Marko Gjuriç emërohet ambasador i Serbisë në SHBA.
Ky është vendimi i sotëm i qeverisë në Beograd, e cila gjatë mbledhjes së sotme ka liruar Gjuriç nga posti i mëparshëm.
Marko Gjuriç ka qenë në krye të Zyrës për Kosovën në Qeverinë e Serbisë, që prej vitit 2014.
Gjuriç ka qenë gjithashtu edhe kreu i ekipit negociator të Serbisë për Kapitullin 35 në procesin e negociatave për pranimin e Serbisë në Bashkimin Evropian.
Ai ishte gjithashtu pjesë e delegacionit serb në takimin Beograd-Prishtinë zhvilluar më 4 shtator në Shtëpinë e Bardhë.
Kujtojmë se një ditë më parë, presidenti i Kosovës Hashim Thaçi firmosi dekretin për largimin nga detyra të ambasadores së Kosovës në SHBA, Vlora Çitaku.
Komento
