Kombëtarja shqiptare e futbollit luan të martë në orën 20:45 kundër Ukrainës në Grupin B1 të Ligës së Kombeve, sfida e fundit kjo që është deçizive për kreun e grupit.
Pas barazimit 0-0 me Çekinë, tanët mbajnë vendin e tretë me kuotë të njëjtë pikësh me Gjeorgjinë (7) dhe lënë pas Ukrainën me pesë. Në krye Çekia me tetë pikë që pret në Pragë skuadrën e Gjeorgjisë në një ndeshje direkte, ku tanët kërkojnë të përfitojnë.
Por si qëndrojnë llogaritë në ndeshjet e fundit, kjo në bazë hipotetike të rezultateve të mundshme në dy sfidat.
1. Nëse Çekia dhe Shqipëria fitojnë, Çekia ngjitet në Ligën A, Shqipëria konfirmohet në play-off të Ligës A/B, Gjeorgjia konfirmohet në play-off të Ligës B/C dhe Ukraina bie në Ligën C.
3. Nëse Çekia fiton dhe Shqipëria dhe Ukraina barazojnë, Çekia ngjitet në Ligën A, Shqipëria konfirmohet në play-off të Ligës A/B, Gjeorgjia konfirmohet në play-off të Ligës B/C dhe Ukraina bie në Ligën C.
4. Nëse Çekia fiton dhe Ukraina fiton, Çekia promovohet në Ligën A, Ukraina konfirmohet në play-off të Ligës A/B ndërkohë Gjeorgjia dhe Shqipëria do të vendosin se cila do të jetë e treta në bazë të kritereve (diferenca e golave, golat e shënuar, golat e shënuar në transfertë, fitoreve në grup, fitoreve në transfertë, të cilat do të favorizonin Shqipërinë).
4. Nëse Gjeorgjia dhe Shqipëria fitojnë, Gjeorgjia dhe Shqipëria do të konkurrojnë për vendin e parë dhe të dytë në bazë të diferencës së përgjithshme të golave, golave të shënuar në total, golave në total të shënuar jashtë fushe, fitoreve në total dhe fitoreve jashtë fushe (është e favorizuar Shqipëria). Çekia konfirmohet në play-off të Ligës B/C dhe Ukraina bie në Ligën C.
5. Nëse Gjeorgjia fiton dhe Shqipëria dhe Ukraina barazojnë, Gjeorgjia ngjitet në Ligën A, Republika Çeke konfirmohet në play-off të Ligës A/B, Shqipëria konfirmohet në play-off të Ligës B/C dhe Ukraina bie në Ligën C.
6. Nëse fitojnë Gjeorgjia dhe Ukraina, Gjeorgjia promovohet në Ligën A, Republika Çeke konfirmohet në play-off të Ligës A/B, Ukraina konfirmohet në play-off të Ligës B/C dhe Shqipwria zbret në Ligën C.
7. Nëse Çekia dhe Gjeorgjia barazojnë dhe Shqipëria fiton. Shqipëria ngjitet në Ligën A, Çekia konfirmohet në play-off të Ligës A/B, Gjeorgjia konfirmohet në play-off të Ligës B/C dhe Ukraina bie në Ligën C.
9. Nëse Çekia dhe Gjeorgjia barazojnë dhe Ukraina fiton, Çekia ngjitet në Ligën A, Ukraina konfirmohet në play-off të Ligës A/B, Gjeorgjia konfirmohet në play-off të Ligës B/C dhe Shqipëria zbret në Ligën C
