Lezhë- Policia rrugore ka gjobitur me 100 mijë lekë një shofer i cili kreu parakalim të rrezikshëm në aksin rrugor “Lezhë-Milot”.
Siç shihet edhe nga pamjet e publikuara shoferi i del para edhe një kamioni duke u bërë kështu edhe burim aksidenti.
Përmes njoftimit zyrtar blutë ftojnë të gjithë qytetarët të denoncojnë çdo drejtues që hasin duke shkelur rregullat e qarkullimit rrugor.
Njoftimi i policisë:
Shërbimet e Policisë Rrugore të Lezhës, pas publikimit të një videoje në faqen “Harta Digjitale e Aksidenteve Rrugore”, në të cilën shfaqej një automjet që kryente parakalim të rrezikshëm në aksin rrugor “Lezhë-Milot”, kanë kryer menjëherë veprimet për identifikimin e drejtuesit të automjetit.
Nga verifikimet, u identifikua drejtuesi dhe pronari i automjetit, shtetasi A. V., banues në Laç. Në zbatim të nenit 146 të Kodit Rrugor, ai u ndëshkua me masë administrative 10 000 lekë, për shkeljen e kryer.
Policia Rrugore e Lezhës falënderon qytetarët dhe median, për kontributin në evidentimin e shkeljeve të rregullave të qarkullimit rrugor, dhe i fton që të vijojnë të denoncojnë, pasi reagimi do të jetë i menjëhershëm, i paanshëm dhe konform ligjit.
Komente
