Futbolli në Lezhë ka marrë një hov të ri me krijimin e “Besëlidhjes së Re”, një projekt ambicioz që synon rikthimin e skuadrës në elitën e futbollit shqiptar.
Në krye të klubit është zyrtarizuar Pjerin Fusha si president, ndërsa drejtimi teknik do t’i besohet trajnerit të njohur Elvis Plori. Një tjetër emër i rëndësishëm i futbollit shqiptar, Renato Malota, është prezantuar si drejtor teknik i ekipit.
Skuadra lezhjane, e cila aktualisht militon në Kategorinë e Dytë, e ka vendosur si objektiv kryesor rikthimin në Superligë, aty ku ka qenë dikur pjesë. Bashkia Lezhë ka premtuar mbështetje të plotë për klubin, duke i dhënë besim skuadrës se mund të ndërtojë një projekt afatgjatë dhe të suksesshëm.
Trajneri Plori dhe stafi nuk kanë humbur kohë, duke zbritur në fushë pasditen e të mërkurës për stërvitjen e parë.
Komente
