ITALI - Një çift shqiptarësh janë vrarë me thikë në shtëpinë e tyre mbrëmjen e djeshme në Venecia, në via Leopardi. Ata janë identifikuar si Mynevere Karabollaj (Myrta), 37 vjeçe dhe Flonino Merkuri 23 vjeç. Trupat e pajetë u gjetën rreth orës 22:00 të së dielës pasi vajza e gruas njoftoi policinë se nuk mund të kontaktonte nënën e saj.
Fillimisht u mendua se bëhej fjalë për vrasje-vetëvrasje, por u zbulua se ishte një person i tretë që kishte kryer krimin e dyfishtë dhe më pas vrau veten. Ish bashkëshorti i gruas, me origjinë nga Shqipëria është gjetur i vdekur të hënën në mëngjes në një kasolle të një kompanie në Chirignago, ku ai punonte. Ai është identifikuar si Viron Karabollaj, 40 vjeç.
Sapo mbërritën në vendngjarje, hetuesit gjetën një armë zjarri dhe një thikë. Dy bashkëjetuesit ishin vrarë me thikë, raportojnë mediat italiane. Prej disa vitesh, Vera ishte zhvendosur në Spinea ku jetonte me bashkëshortin, por historisë së tyre i erdhi fundi rreth 2 vite më parë. Pas kësaj, nisi një romancë me bashkatdhetarin Flonino Mërkuri, por dyshohet se xhelozia e 40-vjeçarit ka shkaktuar krimin. Ndërkohë po vijojnë hetimet.
Ky është Viron Karabollaj, 40 vjeç, i cili goditi për vdekje me thikë ish-gruan Vera Myrta, 37 vjeçe bashkë me partnerin e saj Flonino Mërkuri, 23 vjeç në banesën ku jetonin në Itali. Pas krimit të dyfishtë, vrau edhe veten.
Mynevere Karabollaj, 37 vjeçe dhe Flonino Merkuri 23 vjeç janë viktimat e krimit në Itali. Ata janë vrarë me thikë nga ish burri i Mynevere Karabollaj, i cili është gjetur i vdekur në kompaninë Mira.
Në mbrëmjet e vona të së dielës, ai hyri në banesën ku jetonte çifti shqiptar për t’i vrarë, por mbetet e paqartë arsyeja.
Komente
Meshkuj qe nuk jane ne gjendje te jetojn ne 2022 e kerkojn femra skllave, ta kishte mbyt vetin pa vra njerez te tjere te pafajshem
Përgjigju