Konispol- Krimi në familje tronditi mëngjesin e kësaj të marte (6 gusht) fshatin Shalë të Konispolit, ne skajin jugor të vendit.
Gjatë një sherri në banesë, 69-vjeçari, Hysen Islamaj ka goditur disa herë me sëpatë bashkëshorten Shano Islamaj, duke e lënë të vdekur në vend. Ngjarja ka ndodhur në orën 07:00 dhe skenën e tmerrshme e kanë fëmijët e djalit që jetonin në banesë me gjyshërit.
Burimet thane se ka qenë mbesa 10-vjeçare, që ka telefonuar të atin duke i thënë se gjyshi ka vrarë gjyshen. Klementin Islamaj i cili gjendej në kafen e fshatit është kthyer në banesë dhe pasi ka gjetur nënën të pajetë, dyshohet se ka shtyrë nga shkallët të atin, i cili për shkak të goditjes në kokë humbi jetën.
Report tv sjell pamjet e para nga banesa e familjes Islamaj në Shalë të Konispolit, ku trupat e pajetë janë ende në vendin e ngjarjes. Policia prangosi 40-vjecarin Klementin Islamaj por ende s’ka akuzë ndaj tij, pasi po punohet për zbardhjen e rrethanave të ngjarjes. Prokuroria e Sarandës pritet të klasifikojë vepren penale, vrasje me dashje ose vrasje në rrethana aksidentale.
Banorët e zonës jashtë kamerave thanë se autori, që mbeti edhe viktime, Hysen Islamaj njihej si person problematik dhe krijonte konflikte si ne familje ashtu dhe ne fshat. Megjithatë motivet e vrasjes se gruas ende nuk janë sqaruar nga policia lokale.
Po kështu jashtë kamerave, banorët e fshatit Shkalle thanë se familja Islamaj ka të shkuar kriminale, pasi edhe babai i Hysenit, Xhevit Cene kishte vrare vite me pare 3 grate e tij
Zbulohen detaje të reja lidhur me krimin në familje që tronditi sot në mëngjes Konispolin. Në fshatin e Shalës 69 vjeçari, Hysen Shano njihej si person i konflikteve dhe të gjithë në atë zonë e njohin si ‘sherrxhi’
Mësohet se ka qenë mbesa e tij, vajza që ka marrë të atin, Klementinin dhe i ka thënë se gjyshi vrau gjyshen.
40 vjeçari, Klementin Islamaj gjatë konfliktit me të atin Hysen Islamaj e ka shtyrë nga shkallët dhe i moshuari ka gjetur vdekjen disa minuta më pas.
