SPANJË- Një ngjarje e rëndë është raportuar mëngjesin e sotëm nga mediat spallonje ku një shqiptar pas një sherri me një person, i ka prerë fytin me gotë. Ai është vënë në pranga pas krimit makabër, si tentativë vrasjeje. Ngjarja ndodhi mbrëmjen e djeshme në klubin e natës, Jaleo në La Hernán Cortés. sheshi de Castelló .
Pas një përleshje brenda ambienteve, i arrestuari ka sulmuar spanjollin, i cili ka shpëtuar mrekullisht. Ai është gjakosur dhe i gjithë klubi është tmerruar nga ngjarja e rëndë,
40-vjeçari u largua nga lokali duke ecur, i vetëm, me duart tërësisht të gjakosura, si dhe me shpinën dhe qafën e njollosur. Ai u nis drejt rrugës Pescadores, i ndjekur nga një dëshmitar, i cili ka pasur guximin ta incizojë në video me celularin e tij në mënyrë që imazhi dhe veshja e tij të jenë të regjistruara, siç kanë shpjeguar disa të pranishëm për këtë gazetë. Teksa po largohej, i arrestuari, i cili kishte veshur një xhaketë lëkure të lagur me gjak, përsëriti: “Nuk kam bërë asgjë”.
Spanjolli është trajtuar nga Shërbimi i Kujdesit Mjekësor të Urgjencës (SAMU) dhe është transferuar në Spitalin e Përgjithshëm, ku iu desh të operohej si pasojë e një plage të thellë që ishte vetëm disa centimetra nga mbërritja në arterien karotide, e cila do ta kishte shkaktuar vdekjen.
Autori i vrasjes në tentativë u arrestua në rrugën Doctor Ferran dhe u transferua në qelitë e komisariatit të rrugës Río Sella. Pritet që në orët në vijim të vihet në dispozicion të autoritetit gjyqësor.
