Kupola drejtuese e Prokurorisë së Krimeve të Rënda dhe Policisë së Shtetit kanë shkuar në qytetin e Durrësit pas atentatit ndaj prokurorit Arjan Ndoja. Drejtorja e Krimeve të Rënda Donika Prela ka shkuar në spitalin e Durrësit ku ka zhvilluar një takim të shkurtër me prokurorin Ndoja ku është interesuar mbi gjendjen e tij shëndetësore, pasi mori një plumb në kurriz nga atentati.
Report Tv ka siguruar pamjet e momentit kur Prela del nga ambientet e spitalit. Në Shkozet ishin edhe Drejtori i Policisë së Shtetit Ardi Veliu me drejtuesin e departamentit të policisë kriminale Tonn Vocaj. Dosja po hetohet nga Krimet e Rënda për shkak të statusit të prokurorit. Dy prokurorët Besim Hajdarmataj dhe Anton Martini kanë marrë në dorë hetimet, ndërsa do të udhëhiqen nga ky i fundit.
Donika Prela dhe Tonin Vocaj te spitali i Durrësit
Lajmi kryesor:
Plagosen në atentat prokurori i Durrësit dhe 'i forti i Sukthit'! Gjendet makina e padjegur e autorëve dhe 2 kallashnikovë
