Ambasadorja gjermane në Tiranë Susanne Schütz pasditen e sotme nga Shkodra ku mori pjesë në një aktivitetet në kuadër të 30 vjetorit të marrëdhënieve mes dy vendeve, kërkoi që Shqipëria të bëjë më shumë në luftën kundër krimit të organizuar. Ajo vlerësoi punën që është bërë deri tani, por kërkoi që të bëhet më shumë në këtë aspekt.
Shqipëria ka shënuar përmirësime sa i takon luftës kundër krimit por duhet të bëjë më shumë. Prokuroria dhe policia duhet të bëjnë më tepër
Susanne Schütz
Vizita e ambasadores në Shkodër vjen pas disa ngjarjeve kriminale në këtë qark, 6 të vdekur dhe 2 të zhdukur në dy muajt e fundit. Nga kryeqendra e veriut, diplomatja gjermane foli edhe për vettingun.
Në lidhje me vetingun është një proces që po vijon në mënyrë pozitive por duhet te vijoje me tepwr dhe duhen me shumë rezultate konkrete. Të gjitha vendet vakante të mbushen sa më parë
Susanne Schütz
Në fund të prononcimit, ambasadorja u ndal edhe te negociatat.
Gjermania është e angazhuar që Shqipëria të integrohet në BE, do të kishim dashur të hapeshin negociatat që në qershor por Shqipëria duhet të bëjë më shumë në 5 prioritetet në mënyrë të vecantë për krimin e organizuar
Susanne Schütz
Komente
