Pas akuzave të njëpasnjëshme të qeverisë së Kosovës ndaj Prokurorisë Speciale sa i takon hetimeve në sulmin e Banjskës, ka reaguar kryeprokurori Blerim Isufaj. Në konferencën e dhënë në fundvit, Isufaj tha se nuk i takon kryeministrit Albin Kurti të ngrejë akuza por sistemit të drejtësisë, gjithmonë duke u bazuar në prova.
“Nuk është çështje e tij ngritja e aktakuzave. Është çështje e sistemit të drejtësisë. Ne aktakuzat i ngremë kur i kryejmë hetimet, kur kemi prova. Nuk mund të na tregojë kurrkush kur duhet të ngremë aktakuzë e kur duhet të pushojmë hetimet”, ka thënë Isufaj.
Kjo deklaratë vjen pasi kryeministri Kurti ka deklaruar vazhdimisht se është i shqetësuar përse Prokuroria Speciale nuk ka ngritur asnjë aktakuzë për sulmin terrorist në Banjskë, ku u vra efektivi i policisë Afrim Bunjaku.
Blerim Isufaj është i nominuar nga Këshilli Prokurorial i Kosovës për Kryeprokuror të Shtetit, mirëpo deri tani ka pasur përplasje të vazhdueshme me liderët shtetërorë. Madje, presidentja Vjosa Osmani ka refuzuar dekretimin e tij.
Komente
Kumbara i Radojçiçit është ky tradhtar së bashku më Ramutin
Përgjigju