TIRANË-Partia Aleanca Arbnore Kombëtare, e udhëhequr nga Gjet Ndoj, ka njoftuar se është tërhequr nga koalicioni opozitar “Shqipëria Madhështore”. Në një shkresë të dorëzuar në Komisionin Qendror të Zgjedhjeve, kjo parti shprehet se marrëdhënia e mosfunksionimit në kuadër të koalicionit ka çuar në vendimin për tërheqje.
“Për shkak të mosmarrëveshjeve dhe pamundësisë për të funksionuar si një koalicion i bashkuar, Aleanca Arbnore Kombëtare vendosi të tërhiqet nga ky bashkëpunim dhe të mos marrë pjesë në fushatën për zgjedhjet parlamentare të vitit 2025”, thuhet në deklaratën e partisë.
Përfaqësuesit e Arbnorëve shtojnë se kërkesa e tyre ka për qëllim çlirimin nga çdo detyrim lidhur me angazhimet elektorale.
Ky largim pason tërheqjen më parë të Aleancës së Maqedonasve për Integrim Europian, e udhëhequr nga Vasil Sterjovski, nga ky koalicion. Të dy largimet ngrejnë dyshime për qëndrueshmërinë e koalicionit në prag të zgjedhjeve të ardhshme.
Komente
çpati ky?
Përgjigju