Në Libi, ushtria e gjeneralit Khalifa Haftar ka goditur me 6 raketa aeroportin e Tripolit duke detyruar autoritetet të pezullojnë fluturimet.
Këshilli i Sigurimit i OKB ka kërkuar nga palët ndërluftuese të zbatojnë marrëveshjen e armëpushimit të nënshkruar në Konferencën e Berlinit.
Në vendimin e tij, Këshilli i Sigurimit "u kërkon partive libiane të përfshihen në mënyrë konstruktive në punën e komisionit ushtarak 5 + 5 në mënyrë që të respektohet armëpushimi sa më shpejt të jetë e mundur".
Komisioni përbëhet nga 5 anëtarë të kampit të gjeneralit Khalifa Haftar dhe 5 anëtarë të caktuar nga qeveria e Marrëveshjes Kombëtare e Fayez Serraj në Tripoli.
Në Berlin, të gjitha vendet pjesëmarrëse nënshkruan një "dokument përfundimtar", në të cilin ata marrin përsipër të mos ndërhyjnë në punët e Libisë dhe mbi të gjitha të respektojnë embargon e armëve për shitjen ose furnizimin e Libisë.
Kreu i OKB, Guterres tha se "Berlini është vetëmfillim, le të shohim se si do të funksionojë Komisioni Ushtarak i cili duhet të mblidhet të martën e ardhshme.
Komente
