ITALI- Aurora është tifozja 13- vjeçare e Napolit e cila po përjeton krizën tek skuadra e kaltër ndoshta më shumë se dhe vetë lojtarët apo drejtuesit. Ajo vuan nga një sëmundje e rëndë por skuadra e zemrës ka ndikuar për mirë për të tejkaluar problemet që ajo ka në shëndet. Por kur Napoli nuk është mirë, dhe Aurora e vogël duket se e përjeton keq situatën e ekipit.
Ajo i ka drejtuar një letër prekëse lojtarëve të Napolit, trajnerit Ancelotti dhe vetë Presidentit De Laurentis.
“Nuk e di se çfarë ka ndodhur. Ndoshta jam shumë e vogël për ta kuptuar. Por do të doja që tiu tregoja ju se çfarë ndodh brenda nesh.Fanellat tuaja nuk kanë shumë tituj, por brenda ngjyrave të kaltra është e gjithë dashuria jonë. Ju jeni forca jonë. Ne që ju duam na mjafton t’iu shohim të luani për t’u ndjerë mirë. Këtë krizë që po kaloni po na e përcillni dhe nuk është e drejtë. Ju lutem, kthehuni të fitoni. Ju dua”- shkruan 13- vjeçarja në letër.
Letra e tifozes 13- vjeçare Aurora për Napolin
Napoletanët nuk janë një moment të mirë. Të kaltërit veç rezultateve zhgënjyese në kampionat po përjetojnë një tension në dhomat e zhveshjes. E gjitha ndodhi kur djali i Presidentit, Edo De Laurentiss i shkruajti në Ëhatsupp lojtarëve se ''Jeni të gjithë hale'' dhe ''Nuk keni b.thë të luani''. Më pas mesfushori Allan e goditi me shuplakë ndërsa Insigne njoftoi se lojtarët nuk do të paraqiteshin në stërvitjen e radhës.
Por Presidenti Aurelio De Laurentis nuk e la me kaq duke paralajmëruar se do t'i hiqte të gjithë lojtarëve 25% të pagësmujore. Dhe pas të gjitha këtyre nuk mund të shpëtonte as trajneri Carlon Ancelotti i cili është në prag të shkarkimit.
Komente
