Dje në mbrëmje një grup migrantësh që po përpiqeshin të kalonin kufirin midis Kroacisë dhe Sllovenisë me destinacion Europën Qëndrore, u goditën me plumba nga policia kufitare kroate në një zonë malore pranë qytetit të Rijekës, duke plagosur rëndë njërin prej tyre.
Ministri i Brendshëm kroat duke komentuar për incidentin nuk deklaroi nëse mes emigrantëve ka patur të plagosur të tjerë dhe as origjinën e tyre.
Sipas burimeve, emigranti i plagosur është në gjendje të rëndë nga plumbat e marrë në gjoks dhe stomak.
Rruga malore e qytetit të Rijekës përdoret nga shumë emigrantë nga Lindja e Mesme dhe Azia Qëndrore, të cilët përpiqen të arrijnë në vendet e BE.
Komento
Komente
