Krujë - Dy persona që kishin kultivuar 50 bimë narkotike kanabis në dy parcela në fshatin Larushk kanë rënë në prangat e policisë së Krujës.
Të arrestuarit janë identifikuar si Liri Tema dhe Ylli Tema (familjarë).
Ndërkohë një familjarë i tyrë është shpallur në kërkim.
Si provë materiale u sekuestruan 10 bimë narkotike, ndërsa pjesa tjetër e bimëve u asgjësua nëpërmjet djegies.
Njoftimi i policisë:
Shërbimet e Komisariatit të Policisë Krujë, si rezultat i kontrolleve të kryera në kuadër të planit operacional “Koordinata”, goditën një tjetër rast të kultivimit të bimëve narkotike, si rezultat i të cilit u vunë në pranga shtetasja L. T., 63 vjeçe dhe një shtetas 15 vjeç, si dhe u shpall në kërkim shtetasi Y. T., 47 vjeç (familjarë).
Nga hetimet dyshohet se këta shtetas janë autorë të kultivimit të 50 bimëve narkotike në dy parcela në fshatin Larushk.
Në cilësinë e provës materiale u sekuestruan 10 bimë narkotike, ndërsa pjesa tjetër e bimëve u asgjësua nëpërmjet djegies.
Materialet procedurale iu referuan Prokurorisë, për veprime të mëtejshme.
Komente
