Krujë-Një 32 vjeçar nga Kruja është arrestuar në flagrancë pasi shiste në tabakinon e tij, lëndë të dyshuar narkotike, paketa cigaresh të kontranduara, si dhe mbante armë zjarri, pa leje.
I riu akuzohet për veprat penale "Prodhimi dhe shitja e narkotikëve", "Mbajtja pa leje dhe prodhimi i armëve, armëve shpërthyese dhe i municionit" dhe "Kontrabanda me mallra të tjera", informoi sot policia.
Gjatë kontrollit u sekuestruan në cilësinë e provës materiale, 1 armë zjarri kallashnikov me municion luftarak, dhjetëra doza të lëndëve të dyshuara narkotike kokainë dhe cannabis, steka me cigare të dyshuara të kontrabanduara, dhe shuma parash.
Materialet procedurale i kaluan Prokurorisë.
Komento
Komente
