Situata është tensionuar jashtë Gjykatës së Stambollit, ku mijëra mbështetës të kryetarit të bashkisë, Ekrem Imamoglu, janë përplasur me forcat e policisë. Pavarësisht ndalimit të protestave deri më 27 mars, demonstruesit vazhduan të qëndrojnë jashtë gjykatës duke brohoritur slogane pro Imamoglu-s, ndërsa policia u përpoq t’i shpërndante me ujëhedhës dhe dronë mbikëqyrës.
Mbi 5,000 forca policore u dislokuan për të ruajtur rendin, duke rrethuar gjykatën me masa të rrepta sigurie. Kryetari i bashkisë, i arrestuar nën akuzat për korrupsion dhe lidhje me terrorizmin, i cilësoi këto pretendime si të pabaza dhe të motivuara politikisht. Ndërkohë, mijëra qytetarë janë mbledhur edhe pranë bashkisë së Stambollit për të protestuar kundër qeverisë së Erdogan-it.
Lajmi kryesor:
Turqi/ Kryetari i bashkisë së Stambollit, Ekrem Imamoglu, dërgohet në gjykatë! Opozita ende në rrugë kundër Erdogan
K.M/ReportTv.al
