Kryetarja e LSI Monika Kryemadhi ka zhvilluar një takim me ambasadorin britanik Duncan Norman i cili do të monitorojë mbarëvajtjen e zgjedhjeve të 25 prillit në qytetin e Elbasanit.
“Nën atmosferën e ngrohtë të zyrave të LSI në Elbasan, pata sot kënaqësinë të mikprisja Ambasadorin Britanik, i cili do të gjendet në Elbasan edhe në ditën e zgjedhjeve për të monitoruar nga afër një mbarëvajtje sa më të qetë të procesit zgjedhor më 25 prill.” –shkruan Kryemadhi në Facebook.
Kujtojmë se pak javë më parë ambasadorja e SHBA-së, Yuri Kim kreu një vizitë në Elbasan, ku në fokus të takimit ishin zgjedhjet e 25 prillit. Ambasadorja amerikane u takua me drejtuesit politik të PS-së, Taulant Ballën, me Gazmend Bardhin e PD-së, si dhe me kryetaren e LSI dhe të parën në listë për Elbasanin, Monika Kryemadhi. Ndërkombëtarët, e në veçanti Kim, kanë bërë thirrje të herëpashershme që emrat e kandidatëve për deputet të jenë me integritet.
Komente
