Politikë

Kryeministri grek takime në Bukuresht, Tsipras-Dancila: Mbështesim integrimin e Shqipërisë

29 Mars 2019, 15:25| Përditesimi: 29 Mars 2019, 15:28

  • Share

Greqia mbështet perspektivën europiane të Shqipërisë dhe përpjekjet e saj për çeljen e negociatave. Deklarata është bërë nga kreu i qeverisë greke Aleksis Cipras në një takim të zhvilluar në Bukuresht me homologen e tij rumune Viktoria Dancila, në kuadër të kryesimit të presidencës europiane nga Rumania.

Greqia dhe Rumania mbështesin perspektivën europiane të Shqipërisë dhe Maqedonisë së Veriut.

"Mbështesim përpjekjet e këtyre dy vendeve për tu përballur me sfidat e mëdha që kanë përpara, nëpërmjet reformave demokratike, ekonomike duke plotësuar kriteret aderuese për në BE", është shprehur kryeministri grek.

"Marrëveshja e Prespës për emrin e ri Maqedonia e Veriut është një model qe duhet ndjekur edhe nga vendet e tjera të rajonit të Ballkanit për zgjidhjen e konflikteve", shtoi më tej kreu i ekzekutivit të Athinës zyrtare.

"Marrëveshja e Prespës jep dinamika të reja në Ballkan  dhe është një model bashkëpunimi, i cili tregoi se konfliktet zgjidhen përmes bashkëpunimit ekonomik dhe kulturor. Kështu ne mund t i  japim një perspektivë paqes, stabilitetit dhe zhvillimit ekonomik nër të gjithë Ballkan".

G.M./ReportTv.al
Komento

Komente

  • xreport: 29/03/2019 16:32

    thank you afgaristo poli

    Përgjigju
  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?