Shtetet e Bashkuara nuk do të marrin Groenlandën, ka thënë kryeministri i saj i ri, Jens-Frederik Nielsen, në përgjigje të deklaratave të fundit të Donald Trump se ai dëshiron të marrë kontrollin e vendit të gjerë Arktik.
Gjatë një interviste me NBC të shtunën, presidenti i SHBA tha:
“Ne do të marrim Groenlandën, 100 % i sigurt. Ka një mundësi të mirë që ne mund ta bëjmë atë pa forcë ushtarake … unë nuk heq asgjë nga tavolina.”
Trump tha se ai “absolutisht” kishte pasur biseda reale për aneksimin e territorit gjysmë-autonom danez, raportohet në media.
Nielsen, një ish-ministër 33-vjeçar i industrisë dhe mineraleve, u betua si kryeministri më i ri i Groenlandës të premten. Në konferencën e tij të parë për shtyp si udhëheqës, në qytetin e tij të lindjes, Nuuk, ai bëri thirrje për unitet politik për të luftuar presionet e jashtme. Mesazhi i tij ishte i qartë “Në një kohë kur ne si popull jemi nën presion, duhet të qëndrojmë së bashku”.
Ai u betua disa orë përpara se një delegacion i profilit të lartë i kryesuar nga zëvendëspresidenti i SHBA, JD Vance, të mbërrinte në ishull.
Komente
Po ky Jens-Fredereik Nielsen eshte gje Groelandez i paster? Me car gjuhe foli Groenlandisht?
Përgjigju