TIRANË- Kryeministri Edi Rama ka ritheksuar se reportazhi i TV RAI3, ku thoshte se gjatë 2019 është rritur sipërfaqja e kultivimit të kanabisit në Shqipëri nuk është i vërtetë dhe për këtë ka publikuar disa deklarata që vijnë nga agjencite mediatike italiane. Në këtë lajm, të cilën kreu i qeverisë e ka publikuar, thuhet se kronika e Rai3 nuk korrespondon me të dhënat e vërteta dhe se nuk duhet hedhur tym mbi bashkëpunimin mes dy vendeve.
Argumenti u diskutua gjatë një takimi bilateral të zhvilluar në Napoli ku morën pjesë zv/ministri i brendshëm italian Crimi, drejtori i policisë italiane, Gabrielli, zv/ministri i Brendshëm shqiptar, Hodaj dhe ambasadorja shqiptare në Itali, Anila Bitri.
Sipas komunikatave e të Agjencive Italiane “Është konfirmuar bashkëpunimi i shkëlqyer mes dy vendeve në luftën kundër drogës dhe krimit të organizuar. Gjithashtu është sqaruar një kronikë e dhënë nga Tg3 në datën 27 janar 2020, ku flitej për një raport të rezervuar të policisë për rritjen e kultivimit të kanabisit në territorin shqiptar. Autoritetet kanë specifikuar që lajmet e bëra publike nga stacioni televiziv TG 3 nuk korrespondojnë me të dhënat reale dhe nuk mund të hedhin hije për efikasitetin real të kontrastit në lidhje me kultivimin e kanabisit dhe rezultatet e rëndësishme të arritura gjatë viteve të fundit”, thuhet në deklaratat e perbashketa.
Teksa e ka cilësuar si një raportin "skandaloz" reportazhin e bërë nga TV RAI3, Rama ka falenderuar autoritetet italiane, sipas së cilët vërtetuan që e gjitha ishte një gënjeshtër e madhe mediatike.
"Ja edhe e vërteta zyrtare për raportimin skandaloz të RAI3! Faleminderit autoriteteve të policisë italiane që na ndihmojnē përditë në afirmimin e fitores së përbashkët kundër kultivimit të kanabisit dhe në këtë rast na ndihmuan të fitojmë ndaj një gënjeshtre të madhe mediatike", shkruan Rama.
Postimi i Ramës
Disa ditë më parë, në një edicion lajmesh të RAI 3 është publikuar një shkrim ku tregohej se kultivimi i kanabisit në Shqipëri është rritur me 1200 % ose 12- fish ne krahasim me 2018,me 100.000 rrënjë te zbuluara. Për këtë reagime ka pasur reagime të shumta nga opozita.
Më poshtë dokumenti i plotë i autoriteteve italiane, publikuar nga Rama
.jpg)
.jpg)
Komente
Gjithcka qe ka te bej me drogen dhe mafian ne Shqiperi eshte e vertet.Vrasjet dhe situata e teegojn qarte qe situata ka dal jasht kontrollit dhe shqiptaret jan te pakapshem.Nuk flet vetem rai3 per drogen shqiptare
PërgjigjuNuk ka nevoje për dokumente. Po lirohen të burgosurit me burgim të perjetshem dhe Shqiperia po shpopullohet. Vendi eshte prone e femijeve te spiuneve funderrina kapterrë të PPSH plus fshatare!
PërgjigjuNuk ka nevoj per dokumente sepse mafia ka zaptuar pushtetin dhe Shqiperia eshte furnizuesi i europes dhe me gjere.Kete vend e ka mbuluar krimi dhe droga o Edo.Tashme nuk ke me fuqi per asgje.
Përgjigju