Kryeministri Edi Rama, të hënën do vizitojë Romën

Politikë

Kryeministri Rama viziton Romën të hënën për prezantimin e ‘Giro d'Italia’! Nuk ka konfirmim për takim me Melonin

10 Janar, 22:02| Përditesimi: 10 Janar, 22:12

  • Share

Kryeministri shqiptar Edi Rama, do të vizitojë Romën të hënën më 13 janar, me rastin e prezantimit të ‘Giro d'Italia’. 

Këtë vit në fakt gara e çiklizmit do të nisë më 9 Maj, nga Shqipëria

Durrës-Tiranë do të jetë e para nga tre etapat shqiptare, që do të përfundojë në Vlorë dhe që do të nisë edicionin e 108-të të garës. Itinerari do të zbulohet në tërësi të hënën në Romë.

Për momentin nuk ka asnjë konfirmim për një takim mes Ramës dhe kryeministres italiane, Giorgia Meloni, por nëse do të mbahet, nuk do të mungojnë edhe temat për diskutim mes dy liderëve, duke nisur ndër të tjera edhe nga hapja e dy qendrave informon media italiane

Bëhet fjalë për pritjen dhe ndalimin e emigrantëve nga Shëngjini dhe Gjadri, ende jo funksionale për shkak të disa çështjeve ligjore, të diktuara nga çështja e riatdhesimeve në “vendet e sigurta” dhe proceseve gjyqësore në vendin fqinj.

A.Q/ReportTv.al
Komento

Komente

  • Sondazhi i ditës:

    A e keni vendosur se për kë do të votoni më 11 maj?