Kryetarja e Kuvendit, Elisa Spiropali është takuar sot në Kavajë me ish presidentin Alfred Moisiu. Spiropali u shpreh se do të behet realitet kërkesa e ish-kreut të shtetit për ngritjen e një muzeu në Kavajë, në nder të Aleksandër Moisiut.
“Në Kavajën bujare e krenare, një kafe me të urtin, Presidentin Alfred Moisiu, figurë emblematike dhe të respektuar, jo vetëm për qytetin, por për mbarë Shqipërinë”, shkruan kryeparlamentarja.
“Në vitin e Aleksandër Moisiut, artistit të madh që lidh kulturën shqiptare me atë austriake dhe botërore, do të bëjmë realitet kërkesën e Presidentit Moisiu për ngritjen e një muzeu në Kavajë, qytetin e origjinës së këtij artisti të shquar, për të nderuar jetën dhe krijimtarinë e tij”, shprehet Spiropali.
Komento
Komente
