Kryetari i Bashkisë Gramsh Klodian Taçe njoftoi se i kanë vjedhur faqen e faqen e tij në Facebook. Njoftimin, Taçe e bëri në një postim në llogarinë tjetër personale që ka në këtë rrjet social, ku u kërkon qytetarëve të shmangin çdo lloj mesazhi dhe komunikimi nga faqja zyrtare e hakeruar.
“Përshëndetje të gjithëve! Prej ditës së sotme, ‘Klodian Taçe-Faqja Zyrtare’ është vjedhur (hacked) nga persona anonim. Deri në momentin që do arrijmë të rimarrim kontrollin e faqes, të gjitha komunikimet zyrtare, do publikohen te profili im personal dhe te faqja e Bashkisë Gramsh. Për të evituar çdo keqkuptim ju lutem të shmangni komunikimet dhe mesazhet nga messenger-i i faqes ‘Klodian Taçe – Faqja Zyrtare”, shroi Taçe.
Faqja e kryebashkiakut Taçe hakerohet vetëm pak ditë pas incidentit në uzinën e armëve në Gramsh, ku 2 shtetas rusë dhe 1 ukrainas tentuan të hyjnë me forcë duke sulmuar ushtarë. Të tre janë të arrestuar zyrtarisht me akuzën për spiunazhi.
