Eno Peçi balerini dhe koreografi i shquar shqiptar që punon në Operën Shtetërore të Vjenës është nderuar me çmimin më të lartë austriak për shkencë dhe art, “Kryqi i Nderit” -“Osterreichischen Ehrenkreuzes für Wissenschaft und kunst”.
Ceremonia është zhvilluar sot në mesditë në Vjenë, ku janë nderuar disa personalitete të artit dhe të kulturës.
I cilësuar si ylli i Operës së Vjenës, balerini shqiptar Eno Peçi, sipas një postimi në facebook është shprehur i nderuar dhe mirënjohës për këtë çmim. “Shumë krenar, mirënjohës dhe i nderuar të marrë çmimin austriak “ÖSTERREICHISCHEN EHRENKREUZES FÜR WISSENSCHAFT UND KUNST”, ka shkruar Eno.
Eno Peçi është prima balerini i arsimuar në Akademinë e Baletit të Tiranës dhe në Shkollën e Baletit të Operës Shtetërore të Vjenës “Wiener Staatsoper”, ku dhe jeton e punon.
Përveç shqiptarëve, krenarë me Enon po ndihen edhe në Austri. Ky shtet sot e ka nderuar balerinin shqiptar me çmimin më të lartë të artit e kulturës.
Komente
