TIRANË- Kryetari i Koalicionit Euroatlantik, Endri Hasa i ftuar në Report Tv thotë se kanë nisur takimet derë më derë me qytetarët për të preznatuar proghramin për 11 majin. Me Lulzim Bashën, si drejtues politik i këtij koalicioni, Hasa i ftuar në emisionin ‘Studio Live’ me gazetarin Arbër Hitaj thotë se partia e tyre është krah SPAK.
“Koalicioni Euroatlantik është çdo ditë me qytetarët, derë më derë duke trokitur, Garojmë me lista ta hapura, kemi qenë kundër sistemit me lista të mbyllura. Kemi prezantuar një program që ka qenë i mirëkonsultuar me grupet e interesit, me qytetarët dhe partnerët. Këtë program po e shpalosim derë më derë me shqiptarët. Misioni jonë është të trokasim në çdo derë, t’i flasim çdo zemre dhe ti kërkojmë votën për Koalicioni Euroatlantik për t’i dhënë zë një Shqipëri ndryshe, që duhet të afrohet realisht afër BE”, tha Hasa.
Një replikë e ka drejtpërdrejtë me kryeministrin Edi Rama, të cilit i thotë se duhet t’i përgjigjet pyetjes ‘O Rame ku i ke shokët’, edhe pas videove virale Rama-Basha.
“Zgjedhjet fitohen tek njerëzit. Rama duhet të tregojë atë përgjigjen të cilën po pyetet shpesh, që ku i ka shokët. Faktet janë kokëfortë. Videot bëhen virale kur kanë të vërteta brenda. Nëse e publikut nuk i thua të vërtetën, nuk ecën, kjo është diçka e vërtetë, kanë ndodhur shumë episode rrugës. Kanë rënë gurët e shahut që ka pasur në qeverinë e parë, kanë vazhduar dhe më tej, kur ne dilnin thonin për Gjush Dakon është i pastër si akullore, e pamë si vajti, vazhduam me Lefterin, me Çyrbjen, deri tek Veliaj në bashkinë Tiranës”, tha Hasa.
Për Hasën, ky është momenti që Rama të mbajë përgjegjësi, pasi sipas tij nuk mund të dalë i pafajshëm kur përfaqësuesit e PS kanë përfunduar në pranga, Hasa thekson, se Rama nuk mund t’i japë shqiptarëve pasaportën e BE pa luftuar më parë korrupsionin.
“Rama s’mund të dalë i pafajshëm dhe të thotë ata hëngrën kumbulla dhe dardha pas krahëve të mi. Ka pasur plot njerëz të nderuar brenda radhëve të veta që s’do ta vendonin në këto pozita. Fajtori parë në këtë rast, është Rama. Ramës i ka ardhur me kohë të mbajë përgjegjësi për atë që bën. Vota duhet të jetë për alternativë, nuk mendoj se ka më asnjë lloj alternative për të ofruar, veçse faktit që të riciklojë njerëz që ka dashur dhe po i emëron prapë kryetari. U mundua t’i mbyllë listat në një rotacion dhe vendimmarrje që e vendosin vetëm kryetarët”, tha Hasa.
Deputeti i PS, Petro Koçi i ftuar në Report Tv komenton replikat Rama-Basha, të cilat i quan dëfrim elektoral.
“Dueti Rama-Basha e kam parë si dëfrim elektoral, si një gjë të domosdoshme, se ka brenda jo vetëm aspekte serioze, por ka edhe pak batutë që mund të merret pak si një lloj dëfrimi elektoral. Ajo që bëra unë ishte një formë shakaje, por me sa pashë ishte bërë shumë virale. Tek ëebi juaj kishte marrë 80 e ca mijë shikime. Nuk është çështje kush thërret kë, besoj se Berisha nuk është i përshtatshëm për këtë lloj teknologjike”, tha Koçi.
Që PS do jetë fituese e zgjedhjeve të 11 majit nuk e vë në dyshim, ndërsa thekson se PS është e vetmja parti që garanton reformën në drejtësi.
“Shumica shkon te PS, nuk është çudi të ketë ndonjë zhvillim, ku nga partitë e ndryshme të këtë aty këtu një deputet. E kemi këtë avantazh që e djathta është shumë më e copëtuar, duke pasur parash edhe teknologjisë e llogaritjes së mandateve, kjo përbën një lloj avantazhi tjetër, fushata dhe fitorja nuk është bazuar tek kjo, por tek puna, tek arritjet e qeverisjes në këto vite, mënyra si organizohet fushata”, vijoi Koçi.
Kryetari i Koalicionit Euroatlantik, Endri Hasa ka replikuar në studion e Report Tv me deputetin e PS, Petro Koçi. Hasa i kthehet replikave virale Rama-Basha, duke e pyetur kryeministrin se ku i ka shokët, ndërsa me ironi thotë se 7x7 = 313. Ndërkohë, Petro Koçi numëron humbjet radhazi të Partisë Demokratike, duke thënë me ironi se 7x7 = 2017, 2021, 2025.
Hasa: Pasaporta e BE nuk bëhet duke qëndruar në vend numëro, bëhet duke shfaruar korrupsionin. I vetmi që po bën diçka në këtë drejtim është SPAK, prandaj ne jemi në krah të SPAK dhe mbështesim sepse duhet të vijë dita që t’i japim fund pandëshkueshmërisë. Duhet të vije dita që Shqipëria të ndryshojë dhe të krijojmë një qasje të re dhe Europine. Kjo nuk bëhet papërfunduar kjo fazë e tranzicionit dhe kjo bëhet vetëm kur drejtësia të veprojë realisht pavarësisht se kush është individi dhe secili duhet ta bëjë mirë kur i jepet pushtet, nga i pari tek i fundit, që do jenë përgjegjës për veprimet tyre, sepse një klimë e gjatë e këtyre njerëzve që quanin veten zotër na solli në këtë që shumë prej tyre kanë gabuar dhe kjo qeverisje është me fakte se ku i ka Rama shokët. I ka pikërisht te 3013, prandaj bëhet virale shprehja 7x7 = 313’.
Koçi: I kam thënë Bashës që 7x7 = 2013, 7x7 = 2017, 7x7 = 2021, 7x7 = 2025. Dua t’i përmend edhe ca rezultate të tjera, 7x7 = 2015, 7x7 = 2019, 7x7 = 2023, 7x7 = 2027 dhe mesa duket 7x7 = 2029.
Hasa: Unë shoh një shqetësim tjetër, Rama nuk i tregon shokët se ka hall se shokët tregojnë Ramën.
Koçi: Ka një rezultat që është më i ulët se 313, është ajo 5 me 0, kur qe Berisha dhe Basha në pushtet, kur do gjykohej Meta 7x7 = 5.
Hasa: Nuk është batutë O Rame, nisi si batutë por e vërteta rrëqethëse është kjo, ku i ka Rama shokët.
Komente
