KUKES - I vendosi një sasi lënde plasëse shtyllës së tensionit që furnizonte me energji ish-fabrikën e kromit, bie në prangat e policisë 20-vjeçari nga Kukësi. Ngjarja ndodhi një ditë më parë kur Feim Lugja, 20 vjeç, banues në fshatin Kalimash, hodhi në erë shtyllën e tensionit për arsye të paqarta.
Gjatë kontrollit të ushtruar nga Policia në banesën e tij u gjet 32 m fitil zjarr-përcjellës, si dhe një sasi e vogël lënde e dyshuar narkotike, Cannabis Sattiva. Në vendin e ngjarjes u gjet dhe u sekuestrua në cilësinë e provës materiale 6 m fitil zjarr-përcjellës, i ngjashëm me atë që u gjet në banesën e tij.
Materialet për veprime të mëtejshme i kaluan Prokurorisë së Rrethit Gjyqësor Kukës, për veprat penale "Shkatërrimi i pronës me eksploziv" dhe "Prodhimi, mbajtja pa leje e lëndëve plasëse" dhe "Prodhimi dhe shitja e narkotikëve".
Komente
