Fundjava në pikën kufitare të Morinit, ka nisur me fluks të lartë qytetarësh e mjetesh nga Kosova, por edhe vendeve të tjera të rajonit.
Edhe numri i autobusëve të cilët transportuan pushues nga Kosova drejt pikave turistike të vendit tonë ishte i lartë këtë fundjavë.
Pushimet do ti kaloj në Golem, jetoj në gjermani, por jam nga Kosova, Vushtria do qëndroj 8 ditë.
'Do shkoj në Shëngjin për pushime, rradhë nuk kishte.'- u shpreh një qytetar.
'Do shkoj në Shëngjin. Me familjen. Do qëndroj një javë.'- u shpreh një tjetër.
'Çdo ditë jemi linjë e rregullt: Shëngjin, Velipojë, Durrës, Sarandë, Ksamil… sot do të ikim shëngjin velipojë, herë te tjera në gjithë shqipërinë, zakonisht sjellim 80 vetë në ditë, 60, 70 deri në 130.'- tha një qytetar tjetër.
Sipas të dhënave zyrtare vetëm gjatë 12 orëve të fundit kanë hyrë në territorin shqiptar 17 mijë 132 shtetas me afro 5 mijë e 192 automjete. Me marrëveshjen e lehtësisë kufitare mes dy qeverive janë shmangur plotësisht radhët në të dyja kahet e lëvizjes në Morinë.
M.Q.//ReportTv.al![](https://www.report-tv.al/template/img/antipiracynote.jpg)