Rënia e menjëhershme e temperaturave ka sjellë reshjet e para të dëborës në vendin tonë. Kukësi dhe Dibra janë dy vendet e para ku kanë nisur reshjet e borës. Në pamjet që sjell Report Tv duket Mali i Gjallicës që është veshur me petkun e bardhë të dimrit duke dhuruar pamje spektakolare. Deri tani nuk raportohen probleme për banorët e zonës.
Por duket se bora e parakohshme ka gjetur ta papërgatitur stanet e barinjve në Malin e Gjallicës. Një prej tyre është edhe çobani Ekrem Onuzi që bora e ka zënë në bjeshkët e Sasatit, ku ai ka vijuar të kullosë mbi 200 bagëtit e tij edhe pse ka prezencë të borës. Sipas çobanit deri më tani nuk ka probleme ndonëse është në lartësi. Ai thotë se kullotat e pasura janë arsyeja e qëndrimit në bjeshkët e larta pavarësisht vështirësive e kushteve meterologjike.
Report Tv po ashtu sjell pamje edhe nga malet e Dibrës, ku reshjet e borës kanë zbritur deri në 1500 m. Temperaturat janë ulur në 6 gradë në qytetin e Peshkopisë, ndërsa intensiteti i shiut ka rënë. Reshje të lehta dëbore janë rapotuar edhe në malin e Gramozit në Kolonjë.
Reshjet e para të dëborës kanë nisur në vendin tonë, ndërsa malet në Dibër e në Kukës janë veshur nga velloja e bardhë e dëborës.
Report Tv sjell pamjet nga dëbora e parë që zbardh malet e Dibrës.
Reshjet e borës kanë zbritur deri në 1500 m, temperaturat janë ulur në 6 gradë në qytetin e Peshkopisë, ndërsa intensiteti i shiut ka rënë.
