KUKËS - Një punonjës policie në Kukës, ditën e sotme aksidentoi një fëmijë 11 vjeç në aksin Bucaj-Kukës.
Sipas raportimit të policisë, ngjarja ishte aksidentale, teksa punonjësi i policisë K.C., 26 vjeç po drejtonte automjetin e tij dhe kapi me pasqyrën e makinës fëmijën 11 vjeç, i cili tashmë ndodhet në spital në kujdesin e mjekëve jashtë rrezikut për jetën.
Ndërkohë vijojnë veprimet proceduriale nga Drejtoria Rajonale e AMP-së Kukës-Dibër.
'Paraditen e sotme, në aksin rrugor “Bucaj-Kukës”, shtetasi K. C., 26 vjeç, (punonjës policie në Komisariatin e Policisë Kukës, jashtë orarit të shërbimit), duke drejtuar automjetin e tij, ka kapur me pasqyrën e automjetit, një 11-vjeçar, i cili po merr mjekim në spital dhe është jashtë rrezikut për jetën.
Veprimet procedurale po kryhen nga Drejtoria Rajonale e Agjencisë së Mbikëqyrjes Policore Kukës-Dibër dhe Prokuroria, për sqarimin e rrethanave të aksidentit.'
Komente
