KUKËS- Verilindja e vendit është përfshirë nga moti i acartë me temperatura të ulëta, vlera e të cilave në mesnatë mbrëmjen e djeshme ka shënuar -4 gradë celcius, ndër në mëngjes ato arritën në 1 gradë celcius.
Siç Report Tv mëson, mëngjesi i sotëm është karakterizuar nga ngricat, çka ka sjellë vështirësi në qarkullimin e mjeteve. Në rrugën e Kombit prej orëve të para të mëngjesit është hedhur kripë për të shmangur ngricën, teksa problematike mbeten rrugët rurale që lidhin Kukësin në qendrat e njësive administrative dhe fshatrat.
Nga kontakti me Policinë Rrugore deri më tani nuk është raportuar asnjë incident, megjithatë u kanë bërë apelt përdoruesve të rrugës që të bëjnë kujdes dhe të kufizojnë shpejtësinë brenda normave të lejuara.
Komente
