Pas dy rasteve me koronavirus që u zbuluan ditën e djeshme në Kukës, policia ka intensifikuar kontrollet në qytet.
Një ditë më parë, qyteti i Kukësit u fut në hartën e qyteteve me Covid-19, pasi dy persona u konfirmuan pozitivë.
Ndërkohë, sot policia e Kukësit ka intensifikuar kontrollet në qytet. Kontrollet janë shtuar kryesisht në tregje, supermarkete, ambiente dhe institucione publike ndërsa qytetarëve u është kërkuar respektim i masave anti-Covid.
Sot Report TV bëri një vëzhgim në terren, duke konstatuar se në disa dyqane kryesore supermarketesh, përdorimi i maskës nuk iu kërkohet më blerësve siç ndodhte pak javë më parë. Brenda supermerkateve Conad pamjet e marra nga një telekamerë e fshehtë tregojnë se maska nuk përdoret nga askush, përveç disave nga personeli i shitjes.
