Mirel Josa do të jetë trajneri i ri i klubit të Kukësit. Burime të Report Tv bëjnë me dije se trajneri tiranas ka arritur sot akordin për 1 vit e gjysmë me klubin verilindor, për të pasuar në këtë detyrë Rrahman Hallaçin.
Ky i fundit e ka udhëhequr ekipin në 5 ndeshjet e fundit, kur pas 3 humbjesh mori dy fitore. Gjithsesi kjo nuk ka mjaftuar që Kukësi të bindet për Hallaçin, pasi këtë sezon ka pretendime të mëdha.
Josa bëhet kështu trajneri i tretë për këtë sezon te ekipi i Kukësit, në një kohë kur prej shtatorit të 2019 ishte i papunë. Në të kaluarën Josa ka drejtuar ekipe si Tirana, Skënderbeu dhe Vllaznia.
Komento
