Receta

Kulaç me kos dhe djathë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

4 Shkurt, 11:33| Përditesimi: 4 Shkurt, 11:36

  • Share

Kulaç me kos dhe djathë

Përbërësit:

  • 500 gr miell
  • 200 ml qumësht
  • 100 ml vaj ulliri ose gjalpë
  • 2 vezë
  • 1 lugë çaji kripë
  • 1 lugë gjelle pluhur pjekës
  • 200 gr djathë i bardhë i thërrmuar
  • Pak kos (opsionale për brumë më të butë)

Përgatitja:

Në një enë të madhe përziejmë miellin me kripën dhe pluhurin pjekës. Shtojmë vezët, vajin dhe qumështin, duke e përzier me lugë ose me dorë. Kur brumi të fillojë të lidhet, shtojmë djathin e thërrmuar dhe vazhdojmë ta punojmë derisa të jetë homogjen. Lyejmë një tavë me pak vaj ose shtrojmë letër pjekjeje. Hedhim brumin në tavë dhe e rrafshojmë pak. Mund ta lyejmë sipër me pak vezë të rrahur për një pamje më të artë. E pjekim në furrë të parangrohur në 180°C për rreth 30-35 minuta, derisa të marrë një ngjyrë të artë. 

 

MC/ReportTv.al
Komento

Komente

  • Sondazhi i ditës:

    Informaliteti e nëndeklarimi pagave po dëmtojnë pensionet, sa po luftohen?