Kulaçi i Ditës së Verës
Përbërësit:
- 500 gr miell misri (ose përzierje misri & gruri)
- 150 gr sheqer
- 1 lugë çaji sodë buke
- 100 ml vaj ulliri ose gjalpë i shkrirë
- 200 ml kos ose qumësht
- Lëkura e një portokalli ose limoni
- Një majë kripë
- Pak vanilje / kanellë për aromë
- Arra ose fara susami për sipërfaqen
Përgatitja:
Në një enë të madhe përziejmë miellin me sodën e bukës dhe sheqerin. Shtojmë kripën, vaniljen, lëkurën e portokallit dhe kanellën. Përziejmë vajin ose gjalpin e shkrirë me kosin dhe e shtojmë gradualisht tek përbërësit e thatë. I përziejmë mirë derisa të formohet një brumë i trashë dhe i njëtrajtshëm. Hedhim brumin në një tavë të lyer me pak vaj ose të mbuluar me letër pjekjeje. Sipas dëshirës mund t'a spërkatim sipër me fara susami ose arra të copëtuara. E vendosim kulaçin të piqet në furrë të parangrohur në 180°C për rreth 30-40 minuta, derisa të marrë një ngjyrë të artë. E lëmë të ftohet pak, më pas e presim dhe e shërbejmë.
Komento
Komente
