Bisedimet e paqes mes Rusisë dhe Ukrainës ka qenë tema kryesore e këtyre javëve ku SHBA-ja ka ofruar bisedime me Rusinë nëse ka qëllime serioze për përfundimin e luftës.
Por cilat janë kushtet e Ukrainës për një bisedim me Rusinë?
Ministri i Jashtëm i vendit Dmytro Kuleba ka thënë se do të ketë dy kushte.
E para është se Rusia duhet të braktisë planet e saj të pushtimit dhe të tërheqë trupat e saj nga toka ukrainase. E dyta është se Rusia duhet të tërheqë forcat e saj nga i gjithë territori i Ukrainës.
Duke folur për kanalin indian të lajmeve NDTV, ai tha: "Pra, për t'i dhënë fund luftës në Ukrainë, duhen bërë dy gjëra, opinioni në Kremlin duhet të ndryshohet dhe fuqitë si India mund të ndihmojnë në lehtësimin e kësaj. Moska duhet të braktisë planet e saj të luftës dhe të kalojë nga nxitja e luftës në një linjë të menduari paqësore dhe se Rusia duhet të tërheqë forcat e saj nga i gjithë territori i Ukrainës”.
Ai tha se këto do të ishin pikat fillestare që do të bënin të mundur bisedimet e paqes mes dy shteteve.
Disa komentues kanë sugjeruar që Ukraina duhet t'i dorëzojë territorin Rusisë në mënyrë që lufta të përfundojë.
Megjithatë, Ukraina dhe aleatët e saj më të fortë, duke përfshirë Mbretërinë e Bashkuar dhe SHBA-në, janë kundër sugjerimit duke thënë se Rusia nuk duhet lejuar që të fitojë këtë luftë.
Lajmi kryesor:
Lufta/ Putin: Rusia do të ndjekë interesat e saj me çdo mjet! Kërcënimi i një lufte bërthamore po rritet! Operacioni special do të jetë i gjatë
S.S/ReportTv.al